Vlera e lartë e oktanit e ULTRA 100 Race Pro siguron djegie të kontrolluar të përzierjes së punës në të gjitha kushtet e përdorimit, pa shfaqjen e vetëndezjes së padëshiruar në dhomat e djegies, që mund ta dëmtojë motorin. Kështu, për shkak të djegies efikase të karburantit, konsumi i karburantit zvogëlohet. Me aplikimin e aditivëve special në përbërjen e benzinës ULTRA 100 Race Pro, arrihet një funksionim më i qetë dhe pa zhurmë i motorit, më pak prani e substancave të dëmshme në gazrat e shkarkimit, lëvizje më e lehtë e pjesëve të motorit dhe me këtë rritje e qëndrueshmërisë së motorit.

Prania e pakos speciale të aditivëve në ULTRA 95+ Economy kujdeset gjithashtu për heqjen e sedimenteve në sistemin e injektimit të karburantit dhe parandalon krijimin e sedimenteve të reja. Në këtë mënyrë, karburanti spërkatet më mirë dhe digjet më tërësisht dhe siguron që motori të arrijë fuqinë dhe efikasitetin e plotë. Edhe një faktor tjetër kontribuon në uljen e konsumit të karburantit kur vozitni me karburantin ULTRA 95+ Economy, të cilin do ta ndjeni që në karikimin e parë. Gjegjësisht, lëndët djegëse motorike nga familja ULTRA kanë veti të lubrifikojnë zonat kritike dhe më të vështira për t’u arritur në motor, në të cilat vajrat e motorit nuk mund të veprojnë me efikasitet. Kjo e bën më të lehtë lëvizjen e pjesëve në motor, gjë që siguron më shumë energji kinetike për lëvizjen e rrotave.

Kjo veti është për shkak të numrit të lartë të cetanit, i cili është në përputhje me kërkesat strikte të prodhuesve të automjeteve. Motori dizel në automjetin Tuaj do të zgjasë më gjatë dhe do të funksionojë pa zhurmë dhe më i qetë, sepse karburanti ULTRA Diesel Green Power ka aditivë të veçantë lubrifikues si zëvendësim për squfurin që ishte i pranishëm në koncentrime më të larta në dizel karburantët e vjetër. Këta aditivë mundësojnë mbrojtje të përmirësuar nga korrozioni i motorit dhe lubrifikimin më efikas të pjesëve kritike të motorit. Karburanti ULTRA Diesel Green Power njëkohësisht mbron motorin nga sedimentet e dëmshme dhe heq çdo sediment të krijuar tashmë, gjë që redukton më tej konsumin e karburantit gjatë punës së motorit dhe kontribuon ndjeshëm në ruajtjen e korrektësisë së tij teknike.

ULTRA Diesel Bio Power

Përveç faktit që aplikimi i karburantit ULTRA Diesel Bio Power arrin një mbrojtje edhe më të madhe të mjedisit jetësor, përfiton edhe vetë motori i automobilit. Komponenti biodizel në karburantin ULTRA Diesel Bio Power ka kapacitet të lartë lubrifikimi. Për më tepër, vlera më e lartë e cetanit se sa dizeli standard mundëson motori të funksionojë më mirë dhe më qetë, ndërsa vetitë detergjente të karburantit sigurojnë që motori të qëndrojë i pastër, pa krijuar sedimente.

Në këtë lidhen një sërë përparësish të tjera, duke filluar nga ruajtja e mjedisit jetësor duke reduktuar emetimet e dëmshme të djegies në motor, ruajtja e pastërtisë dhe përsosmërisë teknike të motorit, deri te zgjatja e jetëgjatësisë së motorit dhe sistemit për trajtim të gazrave shkarkuese të automjetit. Formula speciale që aplikojmë për karburantin tonë ULTRA LPG plus mundëson përdorim të thjeshtë dhe të sigurt të automjetit në jetën e përditshme, në të gjitha kushtet e punës. Përveç kësaj, zhvillimi i vazhdueshëm i sistemeve të LPG-së për instalim në automjete ka mundësuar ruajtjen e performancës së motorit, natyrisht vetëm me kusht që të përdoret një auto LPG cilësore.

Metani është një tjetër lëndë djegëse alternative me të cilën Makpetroll vendos bazat për shpërndarje më të gjerë dhe aplikim si karburant shtytës në automjete. Ky karburant shtytës mund të përdoret në motorët me benzinë dhe naftë në automjetet e pasagjerëve dhe mallrave me modifikime të vogla dhe instalim të një pajisjeje shtytëse metani.
Ashtu si tek karburanti auto LPG, çmimi i metanit është një nga arsyet kryesore për përdorimin e tij gjithnjë e më të madh në mbarë botën. Në këtë lidhen edhe përfitimet për mjedisin jetësor, për shkak të zvogëlimit të emetimit të substancave të dëmshme nga përdorimi i metanit si karburant shtytës. Metani është karburanti më ekonomik në krahasim me lëndët djegëse motorike të tjera, gjegjësisht për të njëjtat mjete të investuara në karburant, me metan kalohen më shumë kilometra. Shumë prodhues automjetesh tashmë ofrojnë modele të gatshme prej fabrike për përdorim të metanit.

Makpetroll-i tashmë ka një rrjet prej katër pikave të mbushjes së metanit në vetura, ndërsa planifikohet zgjerimi i mëtejshëm i rrjetit. Sigurisht, jemi kujdesur të sigurojmë edhe pajisje me cilësi të lartë për lëvizjen e automjeteve me metan, të cilat i instalojmë dhe i servisojmë në serviset tona:

02 2581 655 – Servis Honda, Maxhari
02 3083 789 – Honda Servis, Ilindenska