Kur vozitni me marsha më të larta, përdorni më pak karburant. Prandaj, sa herë që mundeni,  vendosni ndërruesin në marshën më të lartë.

Ndryshoni marshin në kohën e duhur kur ngadalësoni ose përshpejtoni. Asnjëherë mos e sillni numëruesin e rrotullimeve në vijën e kuqe.

Nëse gomat Tuaja janë të fryra vetëm 1 psi (0,07 bar) më pak, konsumi i karburantit mund të rritet deri në 3%. Prandaj, fryni gomat një herë në javë ose sa herë që mbushni karburant.

Për çdo 45 kg shtesë që transportoni, konsumi i karburantit mund të rritet me 1-2%. Prandaj, sa herë që është e mundur, duhet ta pastroni automjetin Tuaj nga sendet e panevojshme që vetëm sa i shtojnë peshë automobilit Tuaj.

Nëse nuk i përdorni shinat e kulmit ose kutinë e kulmit, hiqni ato. Shinat e kulmit mund të ndikojnë në efikasitetin aerodinamik të automjetit Tuaj, duke krijuar rezistencë, e cila mund të çojë deri në 5% më shumë konsum të karburantit.

Keni ngecur në trafik? Qëndrimi në ler nuk do t’Ju çojë askund, por megjithatë harxhon karburant. Fikeni motorin derisa prisni në radhë derisa të jetë e nevojshme ta ndizni. Si rregull, nëse duhet të qëndroni për më shumë se dhjetë sekonda dhe automjeti Juaj nuk ka të instaluar sistemin Stop & Go, fikeni motorin.

Sa më shpejt të vozitni, aq më e madhe është rezistenca e erës dhe aq më shumë karburant do të përdorë automjeti Juaj për të ruajtur shpejtësinë. Me një shpejtësi prej 110 km/h, konsumi i karburantit mund të rritet deri në 30% më shumë karburant sesa nëse do të vozisnit me 80 km/orë. Prandaj, vozitni më ngadalë.

Në vend që të vozitni në ler kur kaloni në teposhtëzë, mbani një shpejtësi konstante të motorit duke vendosur ndërruesin e shpejtësisë në marshin e duhur. Kjo do t’ju ndihmojë të mbani shpejtësi konstante në vend që ta rrisni atë, gjë që do të rezultojë në uljen e shpenzimit të karburantit.

Reduktimi i kohës së kaluar në makinë është mënyra më e lehtë për të kursyer karburant. Për të reduktuar kohën e vozitjes, kombinoni udhëtimet dhe detyrat e shkurtra në një udhëtim.

Nëse vozitni në mënyrë agresive, mund të konsumoni deri në një të tretën më shumë karburant sesa nëse vozitni me qetësi. Shmangni përshpejtimin ose frenimin e papritur dhe përpiquni të mbani drejtimin sa më të barabartë të jetë e mundur.

Era që fryn përmes një dritareje të hapur ngadalëson automjetin Tuaj. Dhe për të kompensuar, ka të ngjarë që të shtypni më fort pedalin e gazit. Prandaj, në vend që të hapni xhamat, përdorni sistemin e ventilimit të brendshëm të automobilit, vetëm nëse nuk ka efekt gjumi për Ju.

Përdorimi i kontrollit të vozitjes, në kushte kur kjo është e mundur dhe e sigurt, Ju mundëson mbajtje optimale të shpejtësisë konstante dhe në këtë mënyrë të kurseni karburant.

Ndonjëherë është e vështirë të shmangni përdorimin e kondicionerit, megjithatë, mbani mend se ai shton tendosje shtesë në motorin Tuaj në ditët e nxehta ose të ftohta. Dhe gjithashtu rrit shpenzimin e karburantit deri në 8%. Në ditë mesatare, gjithmonë mund të përdorni ventilimin e brendshëm të automobilit në vend të kondicionerit.

Nëse mundeni shmangni bllokimet e trafikut, do të shpenzoni më pak kohë të bllokuar në trafik dhe, si rezultat, do të shpenzoni më pak karburant.